港大同學會書院中一如何甄選學生參加面試?
港大同學會書院的所有申請者均會獲安排於二零二四年一月六日進行首輪小組面試。甄選準則包括：首輪面試的表現、學業成績、學習態度、學校評語、家長支援、課外活動及社會服務等。
請問中一收生準則為何?
答: 我們期望學生在學業成績、學習態度、品行、課外活動、社會服務及面試均有突出表現。本校以英語為授課語言，因此語言能力較高的學生較為適合。
學業成績40%
其他學習經歷及成就15%
面試表現 40%
其他 (如兄弟姐妹就讀於港大同學會書院/小學) 5%
港大同學會書院首輪面試，主要以個人及小組討論形式進行; Second in，則以小組協作模式進行。據進入Second in的面試同學表示，面試時10個人平均分成兩隊，老師會每組給予一堆紙杯、雪條棍、膠紙同兩把鉸剪。
同學獲分配材料後，老師開始計時25分鐘，同學要在有限時間內施展團隊合作精神，製作整出一個盡可能高的高塔。
有一個要求就是紙杯同紙杯之間唔可以掂住，但呢個要求亦都係最大的困難，所以大家就要和平且和諧地討論出解決既方案。
同學補充，隊員之間可以互相溝通，決定隊員之間用廣東話或英文進行溝通。
2024年，港大同學會書院首輪面試，主要以個人及小組討論形式進行。據報讀的學生表示，面試的流程非常順暢，每10個人一組分別進入不同的教室接受面試，面試以中英形式進行。
首先會進行個人面試，不用自我介紹，面試官直接出題目給學生作答；然後會進行小組討論，小組討論首先由學生個人發表意見，再小組根據不同成員的意見作出總結。
港大同學會書院中一面試題實錄
1、以一種動物形容家長？
2、如果你可以擁有一種超能力，你想擁有哪個超能力？
3、某某同學是插班生，你如何幫助她/他融入新環境？（小組討論）
4、你的朋友欺淩其他同學，你會怎麽做？（小組討論）
12月初會有Admission Seminars & open classrooms，留意報名日期(大約11月中)，名額好快滿的。報名後即收到email 有 registration number，一星期左右會收到Confirmation email。
－ S1申請表可經網上或親身遞交，網上交的可在截止之前隨時更改資料，比較方便。
－ 1st in 是全見，今年大約1500人，1月初收到email 通知，一個星期六見哂所有學生。
－ 2nd in 是隨後的星期六，我女當時係1月12日first in，1月16日收email 通知1月19日 2nd in。大約在1st in 中揀一半人，即700幾人有2nd in。
－ 3rd in 分三輪，第一輪是緊接的星期日，隨後兩輪是之後的兩個星期六。第一輪是校方認為最適合的學生，我女當時大約80人。之後第二、三輪每次大約再見200人，3rd in 名單要自己上網check，無email 的。每輪見完三、四日內就offer，要一個星期內回覆，三輪總共收校外生70至80人。
報名表&面試模式：
－ 報名表除咗個人基本資料，另外要填5項學習經歷、考生寫一篇不多於350字解釋為何報讀港同、家長寫一篇不多於350字簡述子女個性、強項等，兩篇都是中英皆可。另需附件包括身份證明、成績表、證書等等。
－ 1st in 人山人海，排隊分批去見，家長在樓下等。阿女話上到班房先填寫名牌，然後分別見中、英文老師。中文抽一篇短文用普通話朗讀，然後回答相關問題。英文抽三張字卡，然後回答相關問題。
－ 2nd in 四人一组，在限定時間內做一個簡單任務，例如疊紙杯，一間房有兩組人同時進行。2nd in 時，校長同高層團隊會向家長講解學校課程同教學理念。如果冇去admission seminar都唔緊要，因為2nd in 嗰日都有機會了解學校同問問題。
－ 3rd in 由校長、副校或助理校長其中一位加一位老師，先見考生，然後再叫家長一起見。
家長分享：
同與其他直資相似，港同主要睇四、五年級成績表及課外活動，評分包括學術40%、非學術成就(包括公益服務)15%、面試40%、兄弟姊妹就讀港同5%。
學術方面，相信港同根據以往經驗，都知各間學校的大致水平，不是單睇成績表上有幾多A決定。我女成績唔錯，但由於90分先A，所以成績表都好多B嘅。如果係Band 1，其實已經ok，港同亦唔會等教育局呈一加呈二的排名，1月已經開始出offer。
非學術方面，我覺得有一項強項再加其他課外exposure 已經好好，唔一定要好精好叻。
家長分享：
1st in 我提佢保持笑容、自信，另外雖然可能無用，但都袋定portfolio 同一本書喺背囊 just in case。
中文阿女抽到關於超級英雄嘅短文，佢朗讀OK，但答問題就要靠急材，因為唔熟呢個題目，好彩都應付到。英文抽字卡，問佢覺得三個human qualifies之中，邊個最重要&點解，呢part 比較容易。
港同重視學生表達能力，1st in 係考英文&普通話口語&問答反應。阿女中文問答識應變，英文打招呼後，仲同老師傾多兩句偈令氣氛更輕鬆，於是順利過關。
2nd in 考團隊精神，我覺得呢part 好重要。我事前提阿女要專心聽指示，ensure成組都明白要做乜，如果想做leader，就諗吓點樣lead，亦要顧及time management，最緊要係諗吓點先可以一個Team咁完成件事，而唔係個人show。
阿女當日表現很好，等我講詳細D。佢一開始就問組員係咪想用廣東話溝通，估唔到呢句簡單說話就令大家即時變得好合拍。當剩下10幾分鐘時，隔離組已經完成，坐哂喺度。之後，我女嗰組亦完成坐低。跟著唔夠10秒，阿女就覺得有D唔妥，無理由一齊坐喺度等夠鐘吖，於是就叫自己組員起身，再試吓有冇其他方法。負責觀察的老師好欣賞，仲提隔離組唔好坐喺度。到剩下幾十秒，其中一個組員又想推倒重來，我女就叫佢唔好嘞，因為唔夠時間了。
到3rd in 時，副校用iPad 睇住五年班成績表。阿女先in，副校用英文問佢覺得2nd in 如何，學到什麼。然後話佢普通話成績好，唔考佢嘞，就用廣東話問佢考咗邊間，最想讀邊間。跟著家長in 時，話阿女各方面都優秀，好多學校會想收，問我哋有冇嘢想問。我哋話一家人一致揀港同，問咗佢一兩條問題，傾吓偈咁就完成了。我覺得3rd in 主要係睇我哋是否了解&認同港同教學理念，同埋係咪有誠意讀。